عسى حبى يناديكى

عسى حبي داخلك لا غبت يناديك
ويبقى حبي ساكنك طول الأيام
وعسى شعري لا حزنت يواسيك
ويجبرلك بخاطرك برد وسلام
أحـبك ومن قـبل مـا التقي فـيك
وعيني تدلك لو بوسط الزحام

أعشقك واتـوه بروعـة معـانيك
ويغشاني ضييك يا بـدر التمام
في نظـرة عـينك مقدر أبـاريك
يهزمني منها تصويب السـهام
و في لـون شـعرك ظلمة لياليك
وفي ميلة مشيتك يشب الغرام
أغار لابانت من عـباتك أياديك

يا ليتك تلفني بهالغطـوه لثــام
يغار من حسنك الحلى ويعاديك
يا حـلى الدنيـا ثغـرك البـسّام
محدن في الحلى يقدر يضاهيك
سيدات الحـسن بعرشـك اخدام

ليتني يمك ومن العين أداريك
وتبقى عيوني تحرسك ما تنام
زعلني بجيك راضي واراضيك
وتدليـلك عـلّي واجـب والزام
بهمس الحكي تحاكيني واحاكيك
ياعذب الهمس لا تنهي الكلام
رسـى قلبي أخـيرا فـي مواني
يوووه ، ياليته رسا بك من أعوام

لا تخليني بعد ما ذقـت صـافيك
مضنونك تجـرّع مر الأحلام
أخـاف تغيب ومالقى أراضـيك
واخاف دربي معك كله أوهام
أن أظلمت يوم لا تظن بجافيك
مـصير النـور بيوافي الظـلام

فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..
ولقيت
ياقلبي
أنا
فيك
الحنان
ولو بيدي ياحياتي كان أعرفك من زمان..
لحظه الي تلتقي بي يبتسم حظي ونصيبي..
ومثل
أنا ماأقول
"أحبك"
أنت قول إنك <<حبيبي>>

يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر