تعالوا شوفوا التورتات بتاعتي... بالصور

السلام عليكم ورحمة الله وبركاته


هوريلكم النهاردة صور لتورتات عملتها قبل كده
لقيتها عندي على الكمبيوتر
قلت أوريهالكم
يارب تعجبكم

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 88KB.

التورتة دي كانت في عيد ميلاد مريم الأول لما حبيبتي كملت سنة
أنا اللي عاملة الكيك وبابا هو اللي ذوقها
أصل هو غاوي
فسبته يطلع مواهبه فيها هههههههههههههه
حشاها من جوا فروت سلاد
ومربى وكريم شانتي
ومن برا غطاها بالكريم شانتي
وحط على نصفها بندق ولوز مفرومين
والنصف التاني شيكولاتة مبشورة
وذوقها من فوق بعد كده بالفروت سلاد
والكريم شانتي

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 118KB.

ودي بقية الحلويات اللي عملتها انا وماما
وانا اللي عاملة التورتة اللي بالشيكولاتة الكبيرة اللي هنااااك دي
بصراحة كانت هي أجمل تورتة في الطعم
لأنها كانت هشة جدا جدا بس ماظبطش معايا شكلها علشان الإستعجال
كعادتي دايماً مابعملش الحاجة غير في آخر لحظة
وده اللي اتعلمته من كلية الهندسة
حطيت طبعا الشيكولاتة وهي سخنة فالكريمة ساحت ههههههههههه
بس دايما بقول لكم اهم حاجة الطعم
لازم التورتة تتعمل قبل المناسبة بيوم او على الأقل تكون من الصبح علشان تكون باردة

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 96KB.

دي بقا تورتة عيد جوازي التاني كانت حلوة وهايلة أوي
لأني عملتها على رواقة
طبعاً ماكانش فيه معازيم
فعملتها من الصبح
وحطيتها في التلاجة
وبعدين ذوقتها
كيك شيكولاتة
حشيتها من جوا مربى وكريم شانتي وفرود سلاد
وغطيتها بكريمة شيكولاتة
وحطيت في نصف التورتة نصف خوخة ( كمبوت )
علشان تديها ارتفاع
بعد كده صبيت عليها الشيكولاتة اللي كنت عاملاها على حمام ميه
وبعدين جبت الباقي من الشيكولاتة حطيته على كريم شانتي
وعملت زجزاج
وبعدين حطيت العروسة والعريس دول
من أي محل حلويات بتشتريهم

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 106KB.

دي بقا تورتة عيد ميلاد مريم التاني
كنت حامل في سارة
في الشهر التاسع
كيكة بيضاء عادية
قسمتها من النص
حشيتها بكريم شانتي ومربى وقطع تفاح رقيقة
غطيتها بالكريم شانتي
رشيت عليها شيكولاتة مبشورة وبندق ولوز مفروم
عملت وردات من الكريمة
وحطيت على كل واحدة عنبه حمراء
لأني بحب العنب الأحمر اوي

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 97KB.

التورتة دي كان طعمها وهم
كانت حلوة اوي أوي بجد والله
الكيكة شيكولاتة
حشيتها من النصف بكريم شانتي شيكولاتة وتفاح قطع رقيقة ومربى
غطيتها بكريم شانتي شيكولاتة
وصبيت عليها صوص شيكولاتة معمول على حمام ميه سخنة
وذوقتها بكريم شانتي شيكولاتة
وشيكولاتة مبشورة قطع كبيرة
ولوز وبندق مفروم
برضه ذوقتها وهي سخنة ههههههههههههههه
أصل المعازيم جم وهي لسة في الفرن
كلوها وهي سخنة
لو كانت خدت وقتها كانت هتبقا أحلى
بس الحمد لله ماكسفتنيش وكانت هشة وحلووووووة أوووووووى
بس الكريمة ساحت عليها
أعذروني بقا كنت حامل في التاسع

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 97KB.

وده السويسرول
كانت أول مرة في حياتي أعمله
بس الحمد لله كان حلو أوي
جبت طريقته من ع النت

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 77KB.

دي كنافة بالتمر
ماما اللي كانت عاملاها

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 84KB.

ودي كنافة بالمكسرات
أنا اللي كنت عاملاها





يارب أكون أفدتكم
ويارب تكون عجبتكم