بيتزا حلوة وسهلة من مطبخي ..... وبالصور كماااااااان

بتحبوا البيتزا؟؟؟
انا عندي ليها طريقة سهلة وحلوة أوي وان شاء الله تعجبكم
هقول لكم على الطريقة بس بشرط
كل اللي يدخل ويكتب مشاركة
يجربها ويقول لي عاملة معاه ايه


ياللا نشوف الطريقة


مقاديرالعجينة :

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 126KB.

كيس دقيق 1 ك ( يفضل انه يكون دقيق مخصوص للبيتزا )
3 بيضات
كيس خميرة
1 كوب ماء دافئ
ملعقة صغيرة سكر
ملح
عدد 6 ملاعق كبيرة سمن بلدي أو زبدة سايحة
عدد 2 ملعقة كبيرة زيت


الحشوة :


1/2 ك لحمة مفرومة متعصجة
كيس جبنة موزاريلا
5 فصوص ثوم
زعتر
5 حبات طماطم كبيرة
فلفل رومي
فلفل حار ( حسب الرغبة )
بصلة
زيتون إسود مقطع أو شرائح
ملح وفلفل
ازاي تعملي العجينة ؟


حطي السكر والخميرة في كوب الماء الدافئ وقلبيهم كويس وسيبي الخميرة لحد ماتقرب تفور وبعدين ضيفيها للدقيق بعد ماتنخليه وضيفيله البيض والسمنه والزيت والملح واعجنيهم كويس أوي لحد ماتكون معاكي عجينة لينة ( لا تلتصق بالوعاء )
كوري العجينة وغطيها وحطيها في مكان دافي وسيبيها تتخمر لمدة ربع ساعة، وبعد كده قسمي العجينة على 3 أو 4 أقسام ( حسب حجم الصواني اللي عندك ) وخللى بالك يكون كل قسم مناسب لحجم الصينية وسيبيها ترتاح لمدة 10 دقائق
بعد كده رشي دقيق وافردي عليه العجينة بالنشابة

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 73KB.

بعد كده ادهني الصواني بتاعتك بالزبدة وافردي عليها العجينة وخرميها بالشوكة وسيبيها تخمر لمدة ساعة كمان

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 72KB.

نيجي بقا للحشوة


افرمي الثوم
اغلسي الطماطم كويس واسلقيها بعد ماتعملي حرف إكس في كل طماطماية من تحت ( لسهولة تقشيرها ) اسلقيها نصف سليق
بعد كده قشري الطماطم وافرميها كويس ( ممكن تفرميها مع الثوم ) وضيفيلها الثوم ( وممكن بصل لو حبيتي ) والزعتر والملح والفلفل وسيبيها على النار لحد ماتتسبك

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 95KB.

بعد كده ضيفي الصلصة للعجينة

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 104KB.

بعد كده حطي الحشوة وهي عبارة عن لحمة مفرومة متعصجة وزيتون إسود مقطع وفلفل رومي ترانشات وفلفل حار ترانشات ومكعبات طماطم ومكعبات بصل صغيرة
وماتنسيش تضغطي على الحشوة كويس بعد ماتضيفيها للعجينة

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 135KB.

وأنا حطيت على الوش كمان شوية صلصة وممكن ترفعي حروفها كده وتحشيها من الجوانب بجبنة موزاريلا أو رومي


بعد كده حطيتلها الجبنة الموزاريلا وحشيت أطرافها بجبنة رومي

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 124KB.

معلش شكلها ملعبك شوية والبركة في مريم بنتي الشقية


حطيها في الفرن ويكون سخن وشغليه على درجة حرارة عالية وحطيها في الوسط علشان تتحمر من فوق ومن تحت كمان

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 101KB.

دي صورتها بعد مااستوت ..... إيه رأيكم؟؟؟

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 141KB.

والمثلث ده لأول واحده هتدخل تكتب مشاركة وهديهولها بس بشرط تعملها بالطريقة دي وتقول لنا طلعت معاها عاملة ازاي

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 97KB.

يا ترى مين اللي هتاخد المثلث ؟؟


جربوها وان شاء الله مش هتندموا على فكرة أنا لما عملتها عجبت جوزي ومريم جدا جدا...


بجد جربوها


مستنية ردودكم