مفاجأأأأأأأأأأأأأأأه لعشاق المحشى اللى عاملين ريجيم!!!

[ندعوك للتسجيل في المنتدى أو التعريف بنفسك لمعاينة هذه الصورة]
(محشي الكوسه والفلفل باللحمة المفرومة )

طبعا كلنا بنموت فى المحشى
النهارده جايباهولكم بطريقه تنفع للريجيم وصحيه و مفيده طعمها يجنن

اول حاجة الكوسه تغسليها كويس و القشر ماتشيليهوش كله على خفيف كده اكحتيها بالسكينه وده طبعا لان فيها الياف وفايدة غذائية
تاني حاجة نقور الكوسه عادى ونشيل القلب بتعها بس مش كتير نسيب شويه منه برضو

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده نجهز اللحمة المفرومة بوضعها في المقلاة التيفال من غير اي دهون على الهادي وتضيفي بصل وثوم وتقلبي لحد ما تنشف تماما والبصل يبدأ يتحمر تضيفي صلصة طماطم طبيعيه عليها وبعدين ضيفي البهارات اللي بتحبيها للمحشي و الملح كمان بس خفيف وطبعا ماتنسيش الخضرة (شبت وبقدونس)

[ندعوك للتسجيل في المنتدى أو التعريف بنفسك لمعاينة هذه الصورة]

واخر حاجة ضيفي رز بسمتي (لأن سعراته الحراريه اقل من الرز العادى)بس مش كتير على قد الكميه اللى هاتعمليها من الكوسة والفلفل

في صينية قطعي بصلة شرايح واحشي الكوسة ورصيها وضيفي شوربة بس شيلي كل الدهون اللي على وشها وغطيها كويس بورق الفويل ودخليها الفرن الى ان يتم النضج

شكلها النهائي اخر صورة [ندعوك للتسجيل في المنتدى أو التعريف بنفسك لمعاينة هذه الصورة]

وطبعاً ممكن يتقدم مع سلطه خضراء او سلطه زبادى

وبالهنا والشفا ياقمرات

واللى يعجبها الموضوع ياريت تقييمه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

حلو مشكورة أختي على هذا الطبق اللذيذ

» ريجيم سريع ينحف 3 كيلو في 6 ايام
» طريقه البط المحشى - اكله الزوج المفضله
» ريجيم الفنان حسين الجسمي