abozezo111 نائب المدير
![نائب المدير نائب المدير](https://2img.net/r/ihimizer/img692/4074/80029193.gif)
![ذكر ذكر](https://2img.net/s/t/13/98/72/i_icon_gender_male.jpg) عدد المساهمات : 1729 نقاط : 3650 السٌّمعَة : 6 تاريخ التسجيل : 04/12/2009 العمر : 55
![يا دنيا لية(الحلقة الثانية) Empty](https://2img.net/i/empty.gif) | موضوع: يا دنيا لية(الحلقة الثانية) الأحد ديسمبر 27, 2009 4:22 pm | |
| الجزء الثاني الاب على سريره يفكر بكلام دانا الدنيا فيها حياة وموت ويقول بنفسه لاسمح الله صار بأمهم شي وقتها كيف بيكون شعورهم تجاهي بخسرهم ,بس انا ماحرمتهم شي , تجي تشوفهم بس هي امهم مصيرهم يكبرون ويتزوجون ويروحون لها ويمكن يتخلون عني لالا ماقدر اغير كلامي مافي الرياض يعني مافي اليوم الثاني: الاب ينادي يابنات الغدا تعالو ماحد يرد أحمد ناد خواتك شوفهم وين احمد: يابوي اللي يجوع ياكل بس يابوي ليش هم زعلانين (مسوي نفسه مايعرف) الاب: انت ماتعرف ولا تستهبل احمد : لا مادري يمكن عشان السفر
الاب : ايه يبون يسافرون انت ايش رأيك أحمد : والله يابوي انهم يكسرون الخاطر ليش مايروحون اسبوعين عند امي بس ترتاح نفسياتهم مانبي نضغط عليهم الاب : طيب نادهم احمد :دانا نادي خواتك وتعالو ابوي يبغاكم دانا :ايش فيه ليه أبي انام أحمد : مااعرف تعالي وخلاص دانا : استغفر الله اوكي
البنات مع أبوهم الأب :انتو تبون تسافرون الرياض طيب إذا سافرتم اسبوعين لاتتصلون وتقولون نجلس أكثر وماتروحون عند خالتكم فلانه وتروحون وتجون بس مع امكم لاترجعو بوقت متأخر وتبقو الثلاثه مع بعض فهمتو البنات : تحت تأثير الصدمه كانهم مو مصدقين على بالهم ابوهم يمزح للحين ساكتين الأب : ايش فيكم ماتبون تسافرون هونتو كويس اجل البنات : لا ابوي نبي واستوعبو الموضوع وقامو يحضنونه ولي يبوس راسه ويده والله يخليك لنا يا أطيب أب في الدنيا وجوان ومها يبكون من الفرحه الأب بس ها مثل مافهمتكم تسمعون الكلام ولاترى هاذي اخر مره ,انتم تحت الاختبار دانا : ان شالله يابابا ماراح نعصي كلامك البنات في الغرفه : جوان : انا مو مصدقه إننا بنروح الرياض بعد اربع سنوات بنروح نشوف خوالنا وناسه راح نقضي اجازه تجنن دانا : وانا بعد مو مصدقه ياربي لك الحمد انو أبوي وافق كأنه حلم وتحقق مها : قامو خلنا نصلي ركعتين شكر لربي احمد : قولولي شكرا وقامو حبو راسي أنا اللي اقنعت أبوي عشان تعرفو اخوكم بس دانا: انا دايما اقول اخوي حبيبي الله لايحرمني منك وتقوم تحبه على راسه أحمد: ويدي بعد
دانا : أقول لايكثر وقضوها من الفرحه ضحك ولعب وايش بيسون وايش بيشترون والي اخره
الشله بيت دانا عهود : من جدكم بتسافرون وتخلونا لا مافي
دانا : بس أسبوعين شجون : وهي اسبوعين شوي انتي عارفه يومين مانشوف بعض كيف
جوان : حبيتي والله بس نحن كل يوم بنكلمكم سارا : لا أنا بقول لأمي بسافر معكم ما أتخيل الخبر من غيركم طفش اوووه كأبه ايش بنسوي شوق : ايه والله
دانا : تعرفون اننا منتظرين اليوم اللي ابوي يوافق فيه واكيد بتفرحون لفرحنا صح عهود: ايه صح اوكي تروحون وترجعون بسلامه دانا : اجل بكرا اختبار القبول حق الجامعه مين وده يجي معي عهود: طبعا انا بجي وبسويلك سبورت دانا :حبيبتي انتي اوكي بنات ايش رايكم نروح نسوي شوبينج البنات : اوكي يالله نروح في السياره البنات يغنون مع الاغنيه مهيصين للأخير ويغنون مشكلني حبك ياروح الروح مشكلني اه ويلاه واتعبني حبك مع الحساد أتعبني .............. في السوق دانا : هاذا الفستان يجنن بشتريه ايش رايكم سارا : ايه حلو يمر شاب 055533 عهود: لاتعب نفسك ترى مانسمع الشاب : قصدك أعيد سارا: قصدي ضف وجهك الشاب : شكرا بس انا ماكلمك اكلم الحلوه هاذي ويأشر على دانا دانا:واثق بتروح ولا انادي ؟؟؟؟؟؟ الشاب : مع السلامه سارا : تراه وسيم ياحليلاه ليه ضيعتيه دانا : سارا أقول لايكثر وانت للحين مع هاذ اللي مايتسمى سارا : ايه
دانا : وايش نهايتكم وبعدين تراه يضحك عليك يابنت افهمي سارا : لا هو يحبني
دانا : يحبك ليش ما جا يخطبك سارا:مايقدر الحين الظروف دانا: يابنت اي ظروف اللي صارلها 3 سنوات صدقيني يتسلى يمكن يحبك بس ماراح يدق بابك وانا خايفه عليك وما أبغاكي تندمين بعدين سارا: اوووه دانا ثانكس بحاول دانا : طيب بنشوف عهود : لاتحاولي دانا معها تراها معمي قلبها سارا: لا مستحيل خبوني تعالو فوق بسرعه دانا : بسم الله خضيتيني ايش فيك سارا : شفت مازن وانا قلت له أني بالرياض ان شالله مايكون شافني يدق تلفون سارا سارا : يوه بنات ايش اسوي ردو انتو لالا بسكر جوالي دانا : هههههههه تستاهلين ليه الكذب ردي عليه وقوليله انك أنك مادري قولي اي شي سارا : هلا حبيبي مازن : ولك عين بعد حبيبي انت بالراشد سارا: ليه حبيبي ايش سويت مازن : مو على اساس بالرياض
سارا : حبيبي كنت بالرياض ورجعنا من شوي وماحبيت أقولك قلت اسويها سبرايز
مازن : اها وبالراشد ليه سارا : ومو أنت ياحبيبي خربت السبرايز انا جيت اجيبلك هديه مازن : سكت يفكر بكلامها سارا : ياقلبي مو مصدقني يعني تتخيل حبيبتك سوسو تكذب عليك مازن : لاحبيبتي اسف ماكنت ادري ...وحشتيني سارا : وانت بعد ياقلبي وحشتني موت ارجع البيت واكلمك اوكي مازن : اوكي انتبهي لنفسك باي دانا : ههههههه حبل الكذب قصير بس نفذتي منها يادبه سارا: هههههههههههه دايما اصرف نفسي جوان: دانا يالله تأخر الوقت خلنا نرجع بكرا عندك اختبار
دانا : اوكي بنات انا بروح اوكي واشوفكم بكرا ادعولي يالله عهود بتروحين معنا
عهود: ايه يالله بنات باي
عهود ودانا بالغرفه عهود: دانا حطي الفيلم الهندي كابو كوشي كابو غم هاذا الفيلم هاذي الشله شافوه يجي الف مره دانا : نبي نام والفيلم يجلس اربع ساعات عهود : نحضر شوي منا ونام دانا : شغليه
عهود: يهبل الهندي ذا هاذا لو زوجي بالجمال هاذا أحبسه بالبيت دانا :ههههههههههه كل هاذي غيره عهود : ايه انا أغار كثير الله يعين اللي بياخذني
دانا: مادري انا مااحس نفسي أغار كثير بصراحه مادري ماجربت عهود: ولا راح تجربين وانت ماعندك هم الا دراسه دانا : طبعا مستقبلي اضيعه على خرابيط بعدين اذا جاه الحب ماراح ينتظرني عهود:يعني انتي غير البنات ماودك بحبيب يملأ حياتك
دانا : اولا حياتي مو فاضيه عشان املاها وثانيا اكيد ودي بفارس الاحلام بس بالطريقه الصحيحه ماابغا أتعب واتعذب عهود: الغريبه اشوفك تسمعي لام كلثوم وعبدالحليم وفايره احمد ورومانسيه واضحه عليك دانا : انا عاشق ومالي حبيب
عهود: هههههههههههههه حلوه دانا : خلينا نام ابي اركز بكرا بالإكزام
عهود: يووه دانا توها الساعه 2 دانا : عشان نقدرنصحى بدري على الساعه 6 عهود : ولايهمك بصحيك ولا قوليلي ايش صار بذاك العريس اللي جاك دانا : ايه ماوافقت عهود: وليش دانا: صغير عمره 23 وانتي تعرفيني انا ابي أحد اقل شي فرق 7 سنوات غير كذا لأ عهود : طيب ليش يمكن يكون صغير وعقله كبير دانا :ايه ادري مو بس عشان كذا يمكن انا غلطانه بس هاذي وجهة نظري أبي واحد عاقل ذكي وماابغا انا اكون اول وحده بحياته ابغا أكون اللي اختارني بعد كثير مرو بحياته عهود : انتي غريبه يابنت دانا : مالغريب الا الشيطان عهود : وايش تتمنين بفارس احلامك دانا : اهم شي عندي يخاف الله واخلاقه حسنه وكريم وابيه يكون ذكي وطويل موشرط يكون حلو بس يكون شخصية رومانسي مخلص وحنون نقاطعها عهود :ههههههههههههههه ماخليتي شي دانا : مو اسمه فارس الاحلام يعني جالسه احلم صح خليني ماتبيني اكمل عهود : كملي ياختي كملي دانا: يكون قلبه طيب يدلعني ايه صح واهم اهم شي دمه خفيف ومر الوقت ودانا وعهود يسلفون بفارس الأحلام حتى صارت الساعه 6 دانا : عهود صارت الساعه 6 ومانمنا الله يسامحك عهود: نرجع ونام يالله قومي دانا أوكي
في الجامعه دخلت دانا ولقت الاف البنات اللي جاين يختبرو وصار قلبها يدق بسرعه جا صوت يقول توجهو للقاعات زادت دقات قلب دانه تلاحظ عليها عهود الخوف وتقول عهود: ايش فيك يادانه ترى اختبار عادي وانتي قدها سو دونت واري دانا : مادري ايش صارلي أحس تلخبطت وماراح اعرف اجاوب ومو نايمه عهود : روحي للقاعه حقتك والله يوفقك دانا : امين اوكي اشوفك بعد الاختبار في القاعه وزوعوالاوراق وبدأ الاختبار جزء ورا جزء ودانا تحل وتقرا قران وتستغفر وترجع تكمل ونتهى الاختبار وسلمو الاوراق عهود : طولتو ها بشري ايش سويتي دانا : ان شالله خير بس بصراحه مادري قالولنا النتيجه على الموقع الجامعه بعد اسبوعين والله يكتب اللي فيه الخير لاحقا في البيت : دانا : جوان مها سكرو الشنط بنتأخر على الطياره جوان : ولايهمك نحن جاهزين الأب: ترجعو بسلامه وماوصيكم فاهمين البنات : فاهمين وانت ياابوي بعد انتبه لنفسك نحبك
الاب : في امان الله البنات في الطياره دانا : انا مو مصدقه بنروح عند أمي وبنكون معها وبنشوف خوالنا وعيالهم جوان : وانا بعد كأنه حلم وصلت الطياره والبنات طلبو من امهم انها ماتجي المطار عشان ماتصير حفله جنب الناس .......................................... .................................................. ... وصلو البيت : وشافو امهم وركضو لحضنها ودموع الفرح على خدودهم وسلمو على باق اهلهم ويرحبون فيهم وفرحانين الام : والله اشتقتلكم ياماما شو محلوين صايرين متل الاقمار دانا : انت ياماما اللي قمر وقضوها سهره للصباح البنات وامهم وبنات خالتهم حتى تمكن منهم النوم دانا : انا اللي بدي نام جنب ماما من هلأ ألت مها: لا انا ليش انتي مش انا جوان : انا اخر العنقود ونا اللي بدي نام دانا : وانا الكبيره وتسمعو الكلام الأم : كلكم راح تنامو جنبي ماما ونامو البنات كلن جنب امهم دانه يمينها ومها يسارها وجوان ماقدرت تنام الا على رجول امها الله يعين امهم كيف بتنام صحو ثاني يوم دانا : صباح الخير ماما وتبوس امها على راسها وخواتها بعد الام : يالله تعو كلو حطت الغداء دانا : على طاولة الطعام ولا اوليلي ماما ليش انت مش ساكنه مع خالي وليش بيت لوحدك شو صار بينكم الام : ماانا ناطرتكم لتنامو وترتاحو وألكم تساؤلات كثيره على وجوه دانا ومها وجوان راح تجاوب عليها الام في الجزء الثالث
| |
|
fadycasper_no عضو مميز
![عضو مميز عضو مميز](https://2img.net/h/dc05.arabsh.com/i/00729/0gsrju0sb628.gif)
![ذكر ذكر](https://2img.net/s/t/13/98/72/i_icon_gender_male.jpg) عدد المساهمات : 102 نقاط : 201 السٌّمعَة : 1 تاريخ التسجيل : 27/12/2009 العمر : 36
![يا دنيا لية(الحلقة الثانية) Empty](https://2img.net/i/empty.gif) | موضوع: رد: يا دنيا لية(الحلقة الثانية) الأحد ديسمبر 27, 2009 4:24 pm | |
| | |
|