مش كل ماتراه العين يكون حقيقي!!!!!!!!!!!!!!

الله ع الرقة والجمال
تخيل معايا كده .. بنت ماشية فى الشارع
الشعر طويل لحد اخر ضهرها .. ونااااااااعم
القوام الملفوف ... العيون الواسعة ... الشفايف الجميلة
الصوت الرقيق ... ريحة البرفان الاكتر من رائعة

حاجة جميلة صح ....؟؟

طيب كل ده احنا شوفناه فى الشارع صح ......؟؟
تعالوا بقى نمشى ورا البنت دى ونخش معاها البيت
( ماتفهموش غلط يا سوسة منك ليه ليها )
انا بقصد اننا عاوزين نشوف الجمال ده بيبقى ازاى فى البيت

دخلت ( الفرسة ) اللى كنا بنتكلم عليها البيت .....!!
وياريتها مادخلت ........!!

فكت الشعر ( العيرة ) من على راسها وبان الشعر الاكرت المعفن
فكت ( الكورسية ) من على وسطها وبان الجسم ( الحمارى ) الحقيقى
غسلت وشها واتمسح ( الكحل ) وبان الخرمين اللى فى وشها اللى
بتقول عليهم عنين
مسحت الروج وبانت الشفايف المشققة
قلعت البادى والبنطلون والجزمة ام كعب ولبست الجلابية المقطوعة من
عند ( الصدر ) ( كعادة معظم البنات ) ووقفت عشان هتبدى تغسل
نادت عليها امها فردت بصوت ( غربانى ) وراح الصوت الرقيق الى
سمعناه من شوية صغيرة بس

الام / بت يا بدرية (( اللى هى فى الشارع اسمها دودى )) طلعت بدرية
بدرية / نعم يامّا
الام / خلصى يابنت الكلب بسرعة قبل ما ابوكى يجى
بدرية / ربنا يتوب عليا من البيت الفقر ده بقى
الام / بتقولى ايه يابنت الكلب .. ماهوده البيت اللى لمك يا ناقصة
بدرية / خلاص يامّا خلاص .. فين السافو والكلور
الام / مفيش .. البسى العباية وانزلى اشترى بسرعة
بدرية / يا نهار اسود .. طيب ما كنتى تقولى قبل ما اقلع يامّا
الام / معلش يا برنسيسة .. هنتعبك معانا .. اخلصى يابت وانزلى
بدرية / دى بقت عيشة تقصر العمر .. حاضر هغور انزل اهو

دخلت ( دودى ) او بدرية الاوضة بتاعتها قلعت الجلابية المقطعة
لبست العباية ( الصك ) .. عملت مكياجها من اول وجديد .. حطت
الطرحة على راسها .. عشان مكسلة تحط الشعر العيرة ونزلت
وراحت عند عم فرج البقال بس ما كانش هو اللى موجود كان ابنه
( سلامة ) هو اللى واقف فى المحل ... دخلت عليه دودى وقالت

بدرية / صباح الخير يا سلامة ( طبعا رجع تانى الصوت الرقيق )
سلامة / صباح الفل يا بدرية ( طبعا ده عارف اسمها الحقيقة لانه من حتتها )
بدرية / ممكن تدينى سافو وكلور يا سلامة
سلامة / من عنيا يا بدارة ... ( بدارة ده دلع بدرية بس من وجه نظر تانية )
بدرية / ميرسى اوى يا سلامة ... ( ومن شوية كان .. يامّا ) بقت ميرسى
سلامة / على ايه يا بدرية .. ده انتى تنورى
بدرية / ربنا يخليك يا سلامة .. ابقى سلملى على عم فرج والنبى
سلامة / حاضر ياست البنات

ومشيت بدرية طبعا المشية المعتادة للبنات ( شمال يمين شمال يمين )
طبعا فاهمين ...................... !!!!

ووصلت لحد البيت ,,
وطلعت البيت ,,,
وكملت فّم الغسيل ,,,
واكتشفنا حاجة مهمة اوى اوى
صدق من قال هذه المقولة

( تستطع ان تخدع بعض الناس لبعض الوقت )
( ولكن لا تستطيع ان تخدع كل الناس لكل الوقت )

اوعى تصدق الكدب وتكدب الصدق
ومش كل ما شافته عيونك يبقى حقيقى
ساعات كمان العيون بتكدب

» املأ الفراغ حسب ماتراه داخلك
» حوض اسماك حقيقي مع صوت الماء على شاشتك dream aquarium
» اشكال العين ومدلولاتها