الى جميع متابعى الموقع وزواره وقرائه الكرام

للمره المليون ارجو النشر ..
تحيه طيبه للجميع وبعد ..!!
الى جميع متابعى الموقع وزواره وقرائه الكرام ..!!
دعونا نتفق ان لكل منا انتمائاته وميوله الشخصيه ولولا هذه الانتمائات
المختلفه لما كان هناك من الاساس لا صحافه ولا مواقع ولا مجلات ..!!
لان الفكره الاساسيه التى بنيت عليها مهنه الصحافه بكافه اشكالها وانواعها
المكتوب منها والمسموع والمرئي فكرة المشاركة ..!!
فلولا احساس الكاتب او المزيع ان هناك من يتشارك معه فى ارائه وافكاره
ويناقشه فيها ستشعر انك تقرأ كتاب وزارة التربيه والتعليم للصف الاول
الابتدائى او تشاهد مسلسل سر الارض ( عزرا للفلاحين ) حديثى لاغلب زوار
الموقع والذين انا على يقين ان مثل هذه المسلسلات كانت بالنسبه لهم كما هي
بالنسبه لي .
فكرة المشاركة مش عارف هيسمح بالنشر ولا لا بس عايز اتكلم عن المشاركه فى
مثل مصرى بيقول . جنه من غير ناسـ ... ما تنداسـ ..!! المثل دا عبقرى فعلا
..لانه رغم انه مثل قديم غير انه رسخ فكره فى ناس بتاكل من وراها الشهد
دلوقتى . فكرة المشاركة المثل دا كان قايم على فكرة ان لو كل وسائل الراحه
والمتعه اتوفرت فى مكان معين ...بس تكون فيه لوحدك ..يبقى كل الكلام دا
ملوش اى قيمه ولا لزمه . لان جزء اساسى من اى متعه ..هي المشاركة . مثال .
لو قعدت تتفرج لوحدك على مسرحيه ..هتضحك ..لكن لو قعدت تتفرج على نفس
المسرحيه من اصحابك ..اكيد هتضحك اكتر ..هتضحك من قلبك . والامثله
كتييييييره قوى . يعنى اى حاجه ممتعه ممكن تعملها لوحدك ...متعتها هتبقى
مضاعفه لو شاركت معاك فيها حد .. وياسلام بقا لو الحد دا بتحبه وعزيز عليك
. دا غير طبعا ان فى حجات مش ممكن اصلا تحس ليها باى نوع من انواع المتعه
غير بالمشاركه . . . . . . . . . . . ايوه بالظبط زى الى جت فى بالك
دلوقتى دى . . . . . . . مثال كمان الناس الى ليهم فى قعدات المزاج كلهم
يقولو جمله مشهوره قوى ( الكيف مناوله ..مش مقاوله ) يعنى برضه مشاركة .
يعنى بكل بساطه الناس دى جربت واكتشفت ان المشاركه بتعلى المزاج اكتر .
وفى بعض منهم قالو الكيف قعده ..مش دخان . يعنى برضه مشاركة انا دلوقتى
وانا بكتب الموضوع دا بشاركك فى ارائى ..وانت لما بتقرى الموضوع بتكتب رد
تقول فيه رأيك .. وانت عارف ان فى ناس هتشوف رايك دا ..دى برضه نوع من
انواع المشاركه . حتى لو اختلفنا فى الرأى ..مش مهم ..!! بمناسبه الاختلاف
فى ناس بيقولو انهم مش متفقين مع حكايه المشاركة دى خالص وانهم عندهم
القدره انهم يعيشو لوحدهم للابد ..!! وان الى بيمنعهم من كدا ..حاجه وحده
..انهم مش لاقيين المكان الى يوفرلهم دا ...مع احترامى ليهم جميعا ..!! ده
كلام فاااااااااااااضى . ليييييييييييه ؟ لان انا وكتير منكم سمعو الكلام
دا قبل كدا ..وده معناه ان الناس دول حبو ان حد يشاركهم فى افكارهم دى
وعشان كده قالوه ..صح ..!! يبقى برضه مشاركه حتى لو بدون قصد . ولان
المشاركة طبيعه بشريه ..فى ناس استثمرت الطبيعه دى عشان تدخل منها فلوس
..!! كل وسائل الاتصال ( معموله عشان توفر شكل اسهل واسرع من اشكال
المشاركه ) والاااااااااااااااااااااف مواقع الانترنت معموله مخصوص لهدف
واحد بس هو المشاركة . وكل ما طريقه المشاركه والاتصال والتعارف بين
المشتركين كانت اسهل كل ما عدد اعضاء وزوار الموقع بيزيد ..!! عشان كدا
تلاقى موقع زى الهاى فايف ( Hi 5 ) اختفى تماما قدام موقع زى الفيس بوك
..!! دا غير موقع زى الفليكر ..واليو تيوب ..الى كل شغلتهم انك تشارك
الناس سواء فى الصور الى بتحبها او الفيديو . هختم موضوعى بنوع برضه من
انواع المشاركة ..المشاركة فى الاحزان . الانسان لما بيكون بيمر بازمه او
حدث حزين بيكون محتاج الناس الى بيحبهم جانبه ..ووجودهم اكيد بيفرق معاه
كتير حتى لو مش عندهم اى حلول للخروج بيه من الحاله الى هو فيها ..كفايه
وجودهم جانبه واحساسه بمشاركتهم ليه فى احزانه واالامه . معلش طولت عليكم
بس ارجو اكون وصلت الى عايز اقوله

» جميع صفحات الموقع بصفحة
» جميع الـقـنوات الـديـنـيـه على جميع الأقمار
» حاولنا نرضى جميع المقااااااااااسات