المقال بالمقال والبادى اظلم

هذا رد بسيط على مقال خالد طلعت - الاهلى ونظريه المؤامره -( حاجه على
الضيق كده )
- منذ متى فى تاريخ الاهلى يحتاج الى مبررات أوشماعه ليبرر هزيمه او سوء
اداء - لم يحدث -
اذا لايجب المقارنه مع الزمالك لان الفوارق شاسعه والنتائج وحدها كفيله
بالاثبات.
- هل تستطيع ان تذكر لناماهى مؤهلاتك فى عالم كرة القدم لتحاسب هادى خشبه
او حسام البدرى على تصوراتهما - ولا اهو كلام والسلام .
- ان استخدام كلمه فشل فى تقييم عمل تأتى فى المرتبه النهائيه اى فى نهايه
الدورى
مش على الكيف - واذا كان الفشل يجعلك فى المركز الاول - فروح ربنا يفشلك.
- اما موضوع ارائك الحكيمه فى تحكيم محمد عباس وقراراته - فلابد ان يكون
التحكيم بالقانون وليس باراء المتفرجين - واذا كان رأيك ان الحكم كان
مقصرا فى بعض اللعبات - فيكون تقييم الحكم انه فاشل وضعيف ولايستحق ان
يدير مباراه للاهلى - وفى هذه الحاله تكون هناك مؤامره على احسن نادى فى
اقريقيا بان يقوم بالتحكيم له حكم بهذه المواصفات -اما فى حاله انذار عماد
متعب فالقانون لايسمح بنزول الاجهزة الاداريه الى ارض الملعب اثناء
المباريات فما بالك بأن مدرب حراس المرمى يستفز لاعب منافس داخل الملعب
على مرأى ومسمع من الحكم
الضعيف - وتكون النتيجه ان يعطى لمتعب انذار - اليس هذا تأمر ؟ - وكمان مش
عاجبك وعايزه يطرد متعب - انت بتحكم من كتاب ابله نظيره ولا ايه؟
- موضوع الوقت بدل الضائع انصحك بحسابه بالساعه مش بالكيلو - وراجع قوانين
التحكيم فى هذا الصدد - وابعد عن كتاب ابله نظيره بتاع الطبيخ.
- افيدك علما بان الحكم لم يخطىء فى احتساب هدف لحرس الحدود من تسلل -
والذى اخطأ هو حامل الرايه تامر درى وهو المسؤل عن احتساب التسلل - وهو
الذى احتسب على الاهلى 4 تسللات فى الشوط الثانى لاتمت للتسلل بصله - وهذا
تحليل هيثم فاروق وليس تحليلى مع اجماع المحللين - فاذا لم يكن هذا مؤأمره
- فماذا يكون؟..مهلبيه؟
- هو انت بتستشهد بهيثم فاروق فى اللى يعجبك بس - ماجبتش سيرته ليه فى
تحليله لآداء الحكم محمد عباس - فاتتك دى - لا اظن.
- انت ليه بتحشر الزمالك وانت بتتكلم عن الاهلى - ما قولنا ليس هناك اى
وجه للمقارنه .
- يانهار اسود الاهلى عنده قصور فى الجهاز الطبى !!! انا اعرف ان القصور
ييجى فى الجهاز الدورى او فى الجهازالمناعى او الجهاز الهضمى - لكن واضح
ان المره دى ان فيه قصور فى الفهم انعكس على مقالك يادكتور.
- اذا كان مش عاجبك سياسه لجنه الكره فى الاهلى المكونه من الكابتن حسن
حمدى -الخطيب -طارق سليم - وكلا من حسام البدرى وهادى خشبه وايضا مجلس
ادره الاهلى وحط عليهم عدلى القيعى فى موضوع الاستغناء عن الاعبين او
اعارتهم اوعدم التعافد مع صفقات جديده -اذا كان مش عاجبك كل دول بكل
انجازاتهم- طب ماتروح تدور انت النادى ولجنه الكوره وتدرب فريق الاهلى
-والى مش عاجبينك دول خرطهم واعمل عليهم ملوخيه -وعجبى.
- اما موضوع عصبيه البدرى - فانت بتناقض نفسك - شويه تتهمه بالفشل
والعصبيه - وشويه تشيد به وبما يقوم به فى نفس المقال وفى نفس المقطع (
ايه ياعم الموضوعيه دى كلها جبتها منين؟ ) برده من كتاب ابله نظيره فى فن
الطبخ - طب والوصفه دى نسميها ايه - اقترح نسميها ( ظربوته النفيخ ).
- موضوع شارة القياده فى الاهل تخضع لمعايير واضحه وصريحه يعلمها كل الناس
- ولاتخضع لمزاجك الشخصى - وكل من ذكرت مثل ابو تريكة ووائل جمعه واحمد
حسن كباتن يقودون الفريق داخل الملعب وخارجه ليس بالشاره التى هى حق اصيل
بالاقدميه - فهمت !!!!
- فى النهايه احب اقول كلمتين:-
- ماينفعش اى حد يخبط فى الحلل مع النادى الاهلى علشان فاكر انه حياخد بنط
لنفسه على حساب الاهلى - ده النادى الاهلى - واحنا الاهلويه - قولنا انت
تطلع مين ؟