هنعمل ايه لمــا نخلــص الكليـــة...!!!!

سؤال اكيد كل واحد فينا فكر فيه و لو مرة على الأقل

هتشتغل ايه بعد ما تتخرج أو بعد المعاش كما يقال(بعد الكليلة بقيت على المعاش على طووووول)سبحان الله

ياترى هتلاقى شغل و لا لا

الغريب ف الموضوع او اللى انا شايفه غريب انى كل ما اتكلم مع حد متخرج و شغال ف الموضوع ده
يقولى متقلقش من موضوع الشغل ده خالص اتخرج انت بس و ملكش دعوه ويحسسك أن الشغل مستنيك وواقف لما انت تخلص!!!

طب هو فعلاً الشغل موجود واحنا اللى حفظناه اسطوانة وخلاص ان مفيش شغل ومفيش ومفيش..

ولا مفيش أى فرصة لعمل او مصدر ربح تقدر تعيش بيه...ونقول كالعادة العيب فى الحكومة وتلاقى الكل بيجرى على اى بلد بره ولو حتى السودان,والمهم انه يطير

المهم
انت بقه هتشتغل ايه او عاوز تشتغل ايه????!!!!

فكرت فى طرح هذا الموضوع لنتناقش جميعاً ونتمنى الخروج بشىء يفيد الجميع

فأتمنى من الجميع التفاعل المستمر مع الموضوع