شباب الثورة ببراعم الايمان تقول لمبارك مش آسفين ياريس

باسم كل شباب ثورة التحرير بمنتدنا العظيم براعم الايمان تعالوا باعلى صوت نهتف احنا مش اسفين ياريس ردا على كل من طلب بالصحف القوميه واو تلفازه او فضائيات بالاعتذار للسفاح الذى نهبنا ونهب اموالنا والايام القادمه وقريبا جدا ستثبت ماذا كان مبارك يفعل بنا يا دعاه الاعتذار وحاليا يتم حصر ممتلكاته وسيتم الاعلان عنها قريبا فتعالو نرفع اكف الدعاء وباعلى صوت من حناجرنا احنا مش اسفين يا حسنى يا مبارك

e










هفكركوا بشوية حاجات بسيطة من انجازاته اللي يستاهل عليها الاسف والوفاء

الظاهر نسينا حادثة العبارة اللي مات فيها أكتر من 1300 مصري غلبان مسافر عشان معندوش أمل ف البلد يجري ورا لقمة العيش , نسينا ان العبارة لا تصلح للعمل من اكتر من 10 سنوات نسينا ان اصحاب العبارة خدوا براءة وعايشين متهنيين في لندن دلوقتي

فيديو معاناه اخواتنا واهلنا واستهزاء سيادة الريس بأرواح 1300 بني ادم



مبارك واستهزاء بارواح 1300 مصري ضحايا العبارة.FLV






نسينا حادثة قطر الصعيد اللي مات فيها 1000 مصري بسبب الاهمال





نسينا حادثة صخرة الدويقة والمئات اللي ماتوا بدون سبب وغيرهم مئات تحت الانقاض محدش عرف يطلعهم






نسينا ان 40% من المصريين بيعيشوا تحت خط الفقر و20% من الوارد بس هو اللي بيدخل الميزانية والباقي في صناديق خاصة بالمسئولين وكبار رجال الدولة




شوف ازاي بتتوزع الفلوس , رغم قدرة البلد على مضاعفة الاجور والمعاشات وسداد الديون كاملة وتوصيل مستوى الخدمات العامة الى المستوى العالمي






نسينا الشرطة ونسينا اخواتنا واهلنا واصحابنا اللي اتقتلوا بسبب التعذيب والمهانة اللي وصل ليها الشعب من الشرطة , نسينا احمد قسم العمرانية , نسينا خالد سعيد اللي اتقتل بطريقة ابشع من طرق اليهود في القتل والتعذيب وغيرهم اللي نعرفه واللي منعرفوش






واكتب بس كلمة التعذيب في مصر وشوف الاف الفيديوهات

فيديو لبعض معاناة كل مصري على مدار 30 سنة






نسينا الفساد اللي في كل حتة ف البلد وكل حاجة بالرشوة والواسطة .. نسينا البطالة اللي بيعاني منها معظم الشباب .. نسينا اغتيال المتظاهرين برصاص حي في كل حتة ف مصر .. نسينا اخواتنا اللي ماتوا واتعذبوا ايام الثورة .. نسينا كرامتنا كمصريين اللي كانت ضايعة جوة بلدنا وبرة بلدنا .. نسينا تصدير الغاز لاسرائيل بسعر اقل من التكلفة .. نسينا البترول اللي بيروحلهم بسعر ثابت من اكتر من 20 سنة .. نسينا اشتراكه في مجزرة غزة وقتل الاف الابرياء وتجويعهم .. دا اللي افتكرته ودا اللي عرفناه .. لما دا يبقى هو اللي عرفناه امال اللي منعرفوش شكله عامل ازاي