الفراخ المشوية على طريقة الشيف يسري بالصور من مطبخي + الأرز بالخلطة بطريقتي

السلام عليكم ورحمة الله وبركاته

ازيكم يا بنوتات يا حلوين

جبتلكم النهاردة فراخ مشوية على طريقة الشيف يسري شفتها على قناة الحياة
من أسبوعين تقريباً
ودخلت دماغي أوي
وقررت اني أعملها في أقرب فرصة
وفعلا عملتها وطلعت تحفة

المقادير

فرخة كاملة
1/2 كوب زبدة
2 ملعقة كبيرة زعتر
2 ملعقة كبيرة عصير ليمون ( ليمونة كاملة كبيرة)
بشر ليمونة
كسبرة ناشفة
بهارات
ملح وفلفل

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 113KB.

نجيب الفرخة ونغسلها كويس أوي
وانا هنا جبت فرخة بلدي لأني بحب الفراخ البلدي جدا
بس براحتك لو بتحبي الفراخ البيضا مفيش مشكلة
بس الفرخة تكون صغيرة مش كبيرة
علشان مايكونش فيها دهون وكمان تستوي بسرعة
ونفصل الجلد عن اللحم

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 65KB.

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 56KB.

بعد كده نعجن الحشوة مع بعضها
وعلى فكرة بالنسبة للناس اللي بتعمل ريجيم مايخافوش خالص من الزبدة اللي هتحشوا بيها الفراخ
هي هتدي لون ذهبي بس للجلد من بره
وهتسيح وهتنزل كلها مع الصوص
وممكن تكبيها بعد ما الفرخة تستوي
غير كده احنا بنشيل جلد الفراخ عند الأكل

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 85KB.

بعد كده نجيب صينية نخرط فيها بصلة كبيرة
وتكون متبلة بالملح والفلفل
وممكن نحط عليها أعواد زعتر

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 127KB.

بعد كده نتبل الفراخ ونحشيها بالحشوة من جوا
مابين الجلد واللحم
ونكتفها كويس جدا
نلف الجناح من ورا عكسي
والوراك ممكن ندخلها في الفرخة نفسها او نلفها بخيط دوبارة
ونحطها فوق البصل في النصف

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 114KB.

ندخلها فرن يكون متسخن قبل كده ونسيبها لمدة 10 دقائق على نار عالية
ونخرجها تاني نلفها بورق سيلفر

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 119KB.

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 134KB.

بعد كده ندخلها الفرن على نار متوسطة
نسيبها لمدة نصف ساعة
وبعدين نهدي عليها النار ونسيبها تستوي براحتها ع الهادي

بعد كده نعمل الأرز
وانا الحمد لله بعمل رز بالخلطة حلو أوي
نقول بقا الطريقة

أنا أخدت الكبدة والقناصة والقلب بتاع الفرخة
قطعتهم قطع صغيره اوي
وقطعت بصلة متوسطة
شوحتهم في الزبدة وشوية زيت ذرة صغيرين
( لازم تحطي زيت علشان الرز مايلزقش منك )
وحطيت معاهم
زبيب
لوز مقطع (ممكن سوداني مقشر بيكون أحلى واطعم)
معلقة كبيرة نعناع ناشف
معلقة كبيرة كركم
معلقة كبيرة قرفة
ملح وفلفل
بقلبهم كويس وأحمرهم في الزبدة

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 96KB.

بعد كده بنضيف الرز للخلطة دي وبنكون ناقعينه شوية في الميه

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 116KB.

بعد كده ضفت له الشوربة وسبته يستوي بالطريقة العادية

بعد كده الفراخ استوت وطلعتها من الفرن وده كان شكلها

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 98KB.

وبعد ما الرز استوي
حطيت الرز على طبق سيرفيس كبير
وصوص الفراخ من حواليه
وحطيت الفرخة في النصف
وده كان شكلها النهائي

هذه الصورة تم تصغيرها . اضغط هنا لرؤية الصورة بالحجم الكامل. الصورة الاصليه بحجم 800x600 and weights 113KB.

وعلى فكرة انا نسيت ادهنها زبدة من فوق
لو كنت دهنتها كان هيبقى لونها ذهبي أكتر من كده
معلش بقا دي اول مرة أعمل فيها فراخ مشوية بالشكل ده
بس حقيقي طلعت تحفة
ريحتها كانت حلوة جدا جدا وهي في الفرن
وطعمها كان يجنن
بشر الليمون مع الزعترمديها طعم جنان
جربوها وعلى ضمانتي
وبالهنا والشفا